رواية زاد الروح كاملة - أم كلثوم ابراهيم

رواية زاد الروح كاملة - أم كلثوم ابراهيم

    رواية زاد الروح


    رواية زاد الروح هي الرواية الاولي للكاتبة أم كلثوم ابراهيم
    ولكنها اخذت شهرة كبيرة في المواقع الالكترونية
    وكذلك علي محرك البحث جوجل اليوم

    عن رواية زاد الروح

    رواية زاد الروح من الروايات الشيقة والممتعه جدا 
    لذلك قمت بتجميعها اليكم 
    هي ليست رواية طويلة بل عشرة فصول فقط 
    وهي الان بين ايديكم 

    الفصل الاول

    واقفه في نص الغرفه لابسه زفافي منتظراه و يطلع من الحمام طلع من الحمام غير بدلتو بتاعته العرس قال لي الاكل في التلاجه لو عايزه تاكلي ما عايزه مشكلتك وم تنسي انا مجبور عليك زي م امي جبرتني اعرسك قفل الباب طاااخ وطلع بكيت بكاء لمه انهرته وقعته في الارض ونومتخ اصبح الصباح قمته نضفته وشي من مكياج امس فتحته الشنطه شفته ملابس النوم العمري م ح البسه وحرمت علي دخلته استحميت جيت قعدته في المرايا وعيوني وارمه بتزكر في كل احداث الشهر عدته بي سرعه وكيف يااامن جاء بيتنا وطلبني من ابوي وكيف الاسره كلها كانت مبسوطه وانا ميته من الفرح لانو يااامن ود عمي وانا بحبو من وانا في سنه سااابعهواقفه في نص الغرفه منتظراهو يطلع من الحمام لابسه زفافي طلع من الحمام قال لي العشاء في التلاجه لو عايزه تاكلي م عايزه مشكلتك م تنسي انا م مجبور عليك زي م امي جبرتني اتزوجك مفهوم قفل الباب طاااااخ انهرته بجد وبكيت بكاء م طبيعي نومته في الارض لحد الصباح قمته الصباح شلته المكياب من وشي حق امس فتحته الشنطه شفته ملابس النوم العمري م ح البسه ابدآ حرمت علي خشيت استحميت وجيت قعدته في وبتزكر في احداااث الاسبوع ده كيف عداااا وكيف يااامن جاء طلبني من ابوي وكيف كل الاسره فرحت لان يااامن ود عمي وكيف انا كنته بحب يااامن من سنه سااابعه💕💜💜💜
    فلاش باااك احكي ليكم انا منو
    انا رانيا عمري22 سنه خريجه علوم طيران عايشه مع ابوي محمد راجل مكافح مدير المخزان ومع امي مريم مراءه بكل معني الكلمه صنديده واختي دكتوره سسهي كبيره البيت واخواي مهند ممتحن الشهاده بالرغم من بساطه عيلتنا بس متماسكين وبنحب بعض شديد 💜💜💜 
    يااامن ود عمي عمرو36سنه من اتخرج عمي رسلو قطر شغال هناك بجي اجازات بس وانا وكل بنات الاسره مكرشين فيهو يااامن درس اداره اعمال شاااب رزين وهادئ وخلوق بشهاده الجميع كل بنات الاسره مكسرات فيهو حتي ود عمي طلق مرتو من شده م بتهأتي بي يااامن مااااسك اداره الشركات بتاعته الاسره في قطر كلها بجي اجازات بس وانا كل م بشوفو بتبهدل زياده وكل بنات عمي كده بس في حقيقه م كنا بنعرفه عن يااامن
    متابعه يا كنداكات عشان يصلكم التعديل 
    م عشان ازيد متابعيني لا بس عشان لمه اعدل يومي ينزل ليك الاشعار ح انزل حلقتين يوميآ صباح ومساء😉💜💜💕

    طلعته بره الغرفه عشان اشوف البيت طبعآ استقريناااا في قطر كان حلو شديد مكون من تلاته غرف وغرفه ضيوف ومطبخ وصاله كبيره وحديقه خلفيه فاضيه كااان بسيط بس حلو حتي الاثاث حلو شديد من العصور الوسطي يااامن شكلو مميز عشان كده اختار الاثاث ده لفيت البيت زين وفيهو مكتبه ياااخ دي عشقي الابدي خشيت المطبخ فتحته التلاجه اكلته قدرتي وعملته لي قهوه ظبطه راسي واتصلت لي نهي صحبتي قعدنا واتونسنا قالت لي هي مش الليله اول يوم زواج ليك اقفلي تلفونك ده سكته مسااافه م رديت ليها طبعآ نهي بتعرفني اكتر من نفسي قالت لي رانيا قلبي اتقبض مالك يا بت قلت ليها مااف حاجه وانفقعته بي البكاء وحكيت ليها كل الحصل وقعدته تبكي معاااي وقالت لي نوااايه ع ايه قلت ليها ح اطلق منو عشان اديهو حريتو طبعآ ده كلو ويااامن ماف قالت لي انتي ناسيه انو يااامن حب حيااااتك وانتي بتحبيهو من كنا في سااابعه ح تسيبي راجلك بي الطريقه دي وانتي الكنتي بترفضي كل ولد او علاقه عابره عشانو هو اخخخ يا سهي اسكتي قلبتي علي المواجع قفلته منها اتوضيت صليت لي ركعتين ودعيت ربنا يسهل لي اموري
    متابعه يا كنداكااات عشان يظهر ليكم التعديل😉💜💜

    صليت ركعتين وقعده استغفر ونومته ع طول سمعته صوت الباب بفتح اكيد ده يااامن جاء خاشي مده لي كيس ولا فتح خشمو معاااي حتي استحم وجاء قعد في الصاله شغل الشاشه بحضر في كوره رصيت الاكل وندهته عليهو م سمعني مشيت قلت ليهو الاكل قال لي انا ماكل اكلي انتي ولله غضبته غضب لي يعني امس خلاني براي وم معروف كان وين ومع منو والليله يجي بعد العصر مشيت منو ابيت اكل العبره خااانقني استغفرته ورجعته نومته صحيت الصباح لقيتو نايم بره في الصاله وماسك الرمود شلته منو الرمود براحه وغطيتو وقعدته اتااامل ملامحو كانت مريحه لي النظر جدآ انفو مستقيم وشفايفو حلوه زي حقت البيبي وعندو جفون وملتحي اسمر عيونو نعسانه لونا بني بعرف عينو تمامآ لانو لي سته سنه وانا بشوف في صورو ياااخ بجد بحبو يااامن اطول مني بكتير انا جنبو قصيره بس بالنسبه 
    لي البنات طويله


    الفصل الثاني

    في ثقافة اسمها#ثقافة الوقت *
    حاجة معينة عاوزينها في الوقت دة 
    لو اتأخرت لحظة واحدة عن وقت احتياجنا ما #حنعوزها تاني💔
    كل حاجة ليها وقتها .. كل حاجة #حرفيا 👌
    ( الإحساس - و الكلمة - و المعايدة - و الطبطبة - والنظرة- او حتي الاهتمام والمشاكل بس تكون قريب الخ... )
    زى ما الحاجة السخنه لو بردت ما بيبقى ليها طعم 
    وزي لما الدواء يجى متأخر مابيبقى ليه فايدة ولا بينفع

    زي م قلت ليكم انا طويله بالنسبه لي البنات وقصيره يالنسبه لي ياااامن لوني خمري جسمي متناسق مقسم شعري متوسط لونو بني عيوني م كبيره واسعه وعندي اربعه غمااازات 😅😅كل الناس محتاره فيها المهم م جميله شديد بس ملامحي واضحه وجذااابه بشهاده الكل دخلته المطبخ عملت شاااي شايفه يااامن صحي من النوم ودخل ع الغرفه رجع بعد ربع ساااعه وانا منتظراهو شال مفتاح عربيتو عاين لي وطلع حتي م قال لي صباح الخير وانا منتظراهو من الصباح عشان نشرب الشااااي طيب ع الاقل كااان يقول لي صباح الخير😥😥اتصلت ع ناااس بيتنا وسلمت ليهم كلهم وانا العبره خااانقني امي قالت لي راجلك وين اديني اسلم ليهو الليله وب اقول ليها شنو راجلي في شهر عسلنا وبطلع بخليني م عارفه مكانو وين بمشي وين سكت مسافه قلت ليها مشي يجيب لينا حاجات من السوبر ماركت قالت لي ايوه سلمت لي سهي ومهند قال امتحانتو قربت قفلت منهم قلت انضف البيت لقيتو نضيف م محتاج حاجه قلت خلاص انزل ملابسي في الدولاب تاااني اتزكرته انا احتمال ارجع بيتنا صراحه م بقدر اعيش مع زول بكرهني وم طااايق يشوف وشي شلته تلفوني وبشوف صور العرس وصور ابوي كيف كان مبسوط بكيت قدرتي وغسلت وشي عاينته لي نفسي في المرايه واخدته عهد ع نفسي م ح ارجع عشان اكسر عين ابوي قدااام الناس يقولو عليهو شنو بتو م تمت اسبوع رجعوهااا ابيت اليوم كان طويل جدآ حسب اني م بعرف زول هنا في الغربه مر اليوم ممل جدآ جاء يااامن زي اذن العشاء كالعاده اخد شور وشال بطانيتو رجع نام بره في الصالون مره اسبوعين ع الحال ده ماف واحد بتكلم مع التاااني بس اخدته ع نفسي عهد انا لازم احبب يااامن فيني عارفه انو بكون حابي ليهو بت تانيه واكيد ده سببب رفضو لي الان بس هو الان بقي زوجي شرعآ وقانونآ ومستحيل اخسرو ده حب سته سنين بعد مرور اسبوعين اليوم كااان جمعه وشكلو يااامن م عندو شغل لان نايم لحد الساعه10قمته ظبطه حله تقليه بي مزاااج مع ملاح رووب وعصيده وسكسكانيه ظااابطه مش بقولو اقرب طريق الي قلب الرجل معدته😂😂😂بس انا بديت بي الطريق ده وكل باقي الطرق ح تتسهل وع كده قعدته منتظراهو يصحي عشان نفطر يااامن صحي من النوم ونزل تحت كنت قعدته احضر فيلم كرتون عاين لي ابتسم ودخل المطبخ قلت الحقو تاااني قلته خلي الخفه يااابت دخل حضر ليهو كبايه قهوه وشكلو مزاااجو كااان رايق جدآ جاء قعد معاااي قال لي طبختي انتي قلت ليهو ايوه كنت لابسه لي جلاباب كده كبير و واسع زي حق حبوبتي ورافعه شعري كعكعه وحده ولابسه طرحه 😂😂😂 قال لي انتي موجوده في البيت ماف داعي تلبسي طرحه وبعدين انا زوجك قانونآ اتخيلو زوجك قانونآ اهاااا يا قلبي قمته رصيت الفطور وانا الدمعه متحكره في عيوني ناديتو لي الفطور جاء قعد قبل م ياااكل قلت ليهو يااامن عايزه اتكلم معاااك ثواني قبل الاكل وملامحي كانت جديه شديد هو ذاتو لمه اتخلع قال اكيد ح اطلب الطلاق💔💔💔


    الفصل الثالث

    اتهجم وم قدر ياااكل قال لي عايزه تتطلبي الطلاق صح قبل م يكمل كلامو قلت ليهو م تكمل كلامك انا م عايزه اطلب الطلاق ولا حاجه الكلام ده لسه بدري عليهو انا ح اعيش معاك سته شهور يا يااامن وبحكم ان نحن اولاد عااام عشان م تحصل فضيحه وشوشوره في العيله ويقول طلقتني ليه اكيد عيب في حقي وحقك ده طبعآ غير العدواه اللي ح تحصل في الاسره المهم نهايه كلامي ح اعيش هنا سته شهور وبعديها طلقني وكل واحد فينا يمشي لحال سبيلو وبعدين نحن اولاد عم ياااخ م تنسه وده طبعآ غير لو عندك بت في حياتك عااادي عرفني بيها انا من اليوم صحبتك م زوجتك حسيت ياااامن انبسط من كلامي وابتسم ابتسامه عريضه قال لي كلامك عين العقل وانا موافق ع كل كلمه قلتيها يا بت العم قعد ياااكل وانا واقفه بعاااين ليهو وهو م عارف انا ناويه ع شنو وكيف ح اقدر استخدم كيد النساء قعدنا فطرنا وعملت قهوه قال لي م شاء الله طلعتي طباخه يا رانيا وكبرتي ياااخ تصدقي من يوم العرس ومن امي جبرتني عليكي حسيت نفسي بكرهك وحسيت ذي بنااات الاهل متلصقه فيني عشان القروش وشكلي ضحكته قلت ليهو بري انا ذاااتي بي زولي بحبو من زمااان يامن ضحك قال لي بس الان لازمآ تطلعي من بالك عشان انتي الان في عصمتي قلت في قلبي اطلعك كيف من قلبي وانا بحبك سته سنه وكل يوم حبي ليك بزيد عن اليوم القبلو اطلعك كيف وانت النور البقودني نحو النور اخ يا يااامن طقطق لي قال لي سرحتي وين قلت ليهو ولا حاجه قال لي طيب انا ماشي انوم صحيني قبل المغرب عشان اطلعك تشوفي شوارع قطر ونجيب مستلازمات البيت ظااابط قلت ليهو زيت يا مااان عاين لي وضحك طلع الغرفه وانا هنا حسيت نفسي ماشه في الطريق الصح كده كسبتو ك اخ بعد شويه ك صديق لحد م اصل لي هدفي المغرب جاء صحيت يااامن قام اتجهز لبس ليهو بنطلون جينز وتيشرت لبني وساعه ماركه من لاكوست واتعطر الله يااااخ شحتف روحي استحميت طلعته لي فستااان كحلي بسيط مع طرحه عسليه وشبش قافل عسلي حطيت شويه ميكاب م كتير اصلا بحب البساطه طلعته لي يااامن دور العربيه وطلعنا ماشين في الشوارع طلعته يدي بره شباااك العربيه بحب الحركه دي يااامن شغل اغنيه 
    حيرته قلبي معاااك خليتو بيك مشغول حيرته قلبي معاااك وانا مبسوطه وبعاين ليهو بس شكلي ناسيه ان فرحتي دي لي مده سته شهور فقط اخدنا الحاجات بتاعه البيت ويااامن اخد لي كل حاجه نفسي فيها طلع كريم بجد بعد خلصنا قعدنا في كااافي وشربنا قهوه قلت ليهو احكي لي طبعآ يااامن انسان كتوم شديد وانا عارفه عنو كل حاجه بس حابه يتكلم بحب نبره صوتو وتكشيره وشو لمه يتكلم 💓💜💜💜حكي لي اي حاجه عنو وكيف الشغل ماااخد كل وقتو ولحد م بقي انسان ناجح وعمل ليهو اسم من ذهب قال لي ع فكره انا م عندي رقمك سجلته ليهو رقمي ورنا لي جاااني رقمو سجلتو بي ذاااد الروح💓💜 واداني بطاقه صراف قال لي لو احتجتي اي حاااجه استعمليها وطلعنا ع البيت دخلنا كده والباب ضرب فتحته الباب وهنا كانت المفاجئه بت سودانيه في نفس عمر يااامن مزه قاطعه ياااخ وبيضاء زي التلج قالت لي يااامن موجود مع ابتسامه عريضه
    متابعه يا كنداكات عشان يصلكم التعديل☺☺💜

    جوا كل زول مننا لازم يكون في الحتة القوووية ديك 💛 البتلجأ ليها لمن تحبط ، 
    البتستمد منها قوتك 💚👌 .. 
    لمن الحياة توقفك ، الحتة دي بتقول ليك واصل .!
    انت اقوى من كدا 🌸 .!
      
    الفصل الرابع 

    وقفته متسمره بعاااين لي البت دفرتني ودخلت وبتنده يااامن يااامن جاء من الصالون سلم عليها بي نفس منشرحه وهاااك يا الونسه وهي تشيل وتتظارف يااامن قال لي تعااالي يا رانيا دي فلك جااارتي ساكنه معانا في نفس العماره من ام سودانيه واب قطري في قلبي قلت جااابت الجمال ده من وين اكيد ابوها قطري وانا لسه واقفه ومستغربه من واقحته دفرتني ودخلت قربت من يااامن قال ليها دي رانيا بت عمي وزوجتي البت طبعآ اتصدمت وكااان باااين عليها الصدمه وعيونه رقرو سالتو بي ابتسامه بتحاول تخفي دموعه اتزوجته متين قال ليها الشهر النزلت فيهو السودان وانتي سااافرتي باااريس قالت ليهو ايوااا تمام ربنا يسعدكم يااارب وقبلت ع الباب طبعآ لا قالت لي مبروك ولا حاجه همشتني تهميش جد طلعت قلت لي يااامن دي منو قال لي هسي عرفتك بيها دي فلك جااارتي مصممه ازياء مشهوره ودخل الغرفه انا راسي بودي وبجيب فلك السرور يا يمه انا جنبها عبدو النجار البت بيضاء ونعومه انا التقول شغاله سقاله 😅😅(ومن هذا المنبر التحيه لي الزول الوقع من السغاله وكسر سنو😂😂😂👏 عرفتو) دخلته المطبخ قلت اتجاوز الموضوع اصلا م مهم ودي جارتو في النهايه نفسي في قهوه بي الفشار عملته فشار ومنفوش وعسل وظبطته القهوه الا اشوف ليك ياااامن طالع والدنيا كااانت عصر قال لي ماشي النااادي لي اصحابي عايزه حاجه كنت عايزه اقول ليهو اقعد اشرب القهوه بس ابيت عشان اديهو صراحو وم يقول مقيداهو قدمتو لحد الباب عايزه اقفل الباب سمعته ليك واحد بتقول يااامن وبي فرحه اجي يا اخواااني الله يقطع سنينكم يا نسوان ده شنو ده يااامن يااامن طلعته راسي بره من الشمار واقفه وحده م شاء الله عليها ريحه الدخااان دي طاقه من بعيد والعجب النقش مع التوب السوداني حاجه كده خرافيه سلمت عليهو وجااات حضنتني قالت ليهو اكيد دي العروس صح قال ليها اي قالت لي انا جااارتك سهي ساكنه في الدور الخامس في الشقه الجنبكم يااامن ضحك وقال ليها امجد وين امجد ده راجل سهي قالت ليهو امجد منتظرك تحت وطلع دخلته جوه وضيفته شربنا القهوه وبجد سهي انسانه طيبه ومرحه قالت لي اخيرآ لقيت لي اخت معاااي في الغربه نشيل هم بعض واعتزرت مني م حضرت زواجي عشان مشو قضو شهر العسل في فرنسا مع زوجها مع العلم ان دي السنه التالته ليهم قالت لي يااامن راجل بكل معني الكلمه اوعاااك تفرطي فيهو ده راجل بي حق وحقيقه ضحكنا واتونسنا وبنحكي في السودان والشي الحاصل الزمن اتاخر سهي استذانت مني طلعت قدمته لي خشم الباب جااات فلك طااالعه سلمت علينا ونزلت سهي عاينت لي من فوق لي تحت قالت اعملي حسااابك قلت ليها لي قالت لي بكلمك مره تانيه المهم اخادي حزرك ودخلت شقته انا خلاص راسي بقي يودي ويجيب فلك دي منو وعايزه من ياااامن ايه ونازله في الزمن المتاخر ده عندهااا شنو ياااربي تكون دي حبيبه ياااامن شويه كده والباب فتح
    متابعه يا بنوت عشان يصلكم التعديل😉
    ‏وفي هذه اللحظَة أدركت أيضاً ان إنتِظاري يَهزء بي🕸🕷


    الفصل الخامس

    الباب فتح ويااامن جاء داخل سلم علي واداني كيس فتحتو لقيتو فيهو بوظه ياااخ حبيتو حب قربته اتشعلق فيهو بس خاته حدود لي تعاملنا قعدنا في الصاله وقعدته اكل وهو يعاين لي ويضحك قلت اكسر حاجز الصمت البينا قلت ليهو يااامن انا راحله قال لي راحله وين قلت ليهو م تخاااف ماشه اقعد في غرفه الضيوف لحد م فتره السته شهور تتم وانت تاخد راحتك في غرفتك قال لي خير مشيت شلته حاجاتي وظبطته الغرفه ديك ورتبته ملابسي نومته قمته اذن الصبح صليت وعملت الشاااي وعملت زلابيه مقرمشه عشق ياااخ نضفته البيت وبخرتو وشغلت سوره البقره يااامن صحي وجاء ناذل انا كنت في المطبخ قال لي صباح الخير التفت عاينته ليهو كان لابس بدله كحليه وقميص ابيض وقااش عسلي وحزااام عسلي وم حااالق لحيتو ولون عيون مع لون الخزااام ياااخ حاجه كده خرافيه لابسه ساااعه لوركس بي الفضي ومتعطر بي عطور العود ياااخ انا دي اتبهدلته بهدله م طبيعيه جد ياااخ لمه كشحته السكر وهو قعد يضحك اهااا من ضحتكو مع التكشيره قعدنا في الصاله شربنا الشاااي مع البخور والقهوه يااامن طبعآ بعاااين لي ومبسوط قال م شاء الله شكلك انسانه حريفه وانا بعاين ليهو دعيت ربنا يحنن قلبو علي ويحبني ذي م انا بحبو قال لي لسه م ناويه تقلعي الطرحه يا بت انا ود عمك وطلع قال لي انا مااااشي الشركه واحتمال اليوم اتاخر لان الشغل اتراكم طلع ناااس البيت اتصلو علي سلمت عليهم وقفلته الباب ضرب افتكرت ده يااامن نسي حاجه فتحت الباب لقيت دي سهي جااات وشايله معاها فطور فطرنا وعملت قهوه اتونسنا وفرفشته قالت لي ارح معي بيتي مشيت معاها م شاء الله مره نضيفه ومرتبه قالت لي ارح اولع ليك حفره الدخان انتي لسه عروس جديده قلت ليها لا لا م عايزه اتدخن قالت لي ليه وهي م عارفه ان يااامن م لامسني ولي الان نحن عايشين ذي الاخوان م اكتر قالت لي رانيا انا ذي اختك الكبيره وعارفه وحاسه انو في شي م تمام مالك احكي لي انا هنا دموعي نزلت عشره عشره وحكيت ليها اي حاجه بكت معي حيل وادتني نصائح قالت لي يعني ناويه تخلي راجلك حب سته سنه قالت لي انتي ممكن تكسبي يااامن في خلال تلاته شهور م سته شهور وانتي مدام بتحبيهو اكسبي وربنا ذاتو عالم بي النوايا وعارف انتي صبرتي قدر شنو وجزاكي بيهو واتزوجتي حب حياااتك وانتي لازمآ تكسبي يااامن وم تخليهو لي فلك طق انا زي الكبو فيني نار لمه سمعته اسم فلك حكت لي قصه فلك قالت لي فلك دي زي م انتي شاايفه جااات سكنت هنا قبل سنتين ومن الذمن داااك هي متعلق بي ياااامن بقي ليها هوس عديل بس هي بت قويه وم بتظهر الشي ده وانا عرفته لان كااان مره بتتكلم مع صحبته وقالت هي بتحب يااامن قلت ليها طيب انا اعمل شنو انا م بقدر انااافس فلك انتي شايفه فلك لون وجسم وشعر سهي نهرتني قالت لي م هو انتي لو طلعتي جلاببتك الذي حقت حبوبتك دي وخمارك الفي راسك ده الباقي هين يا عشه ضحكتني جد قدمتني لين خشم الباب وقالت م تنسي اكسبي يااامن ك صديق اولآ وح نجيكم بي شاااي المغرب انا وراجلي امجد قفلت الباب وانا جري ع بيتي فتحت الشاشه وقاعده احضر في برنامج تجميل واتزكرت كلام سهي كلو وكلم سهي كلو في مكانو صحي انا ليه مبهدله نفسي كده واصلآ يااامن ح يعاين لي كيف وانا ذي حبوبتو مشيت عملته لي ماسك عسل بي كركم اديتو ربع ساعه دخلته استحميت ولبسته جلابب هزاز م واسع زي الفااات😂😂 وسرحته شعري لميتو كعكه وحده وطلعته البيبي هير وعملت لي شويه كحل وشويه روج وردي اتظبطته تمام دخلته المطبخ جهزت سلطه وشويه سجق يااامن جاء داخل ع المطبخ بنادي فيني رانيا رانيا ران م كمل كلامو زمن شااافني قال لي م شاء الله بي رفعه حاااجب طبعآ مستفز خلاص قال لي جلابب الحبوبه الليله وين قلت ليهو كلها سته شهور انا اقعد احبس نفسي كده ليه وبعدين انت ود عمي ياااخ طبعآ ضحك ضحكتو بي التكشيره ديك جهجه قلبي وبلاكتو عايز يشرب مويه قرب مني وريحه عطرو جات فيني وعاينته لي وشو كااان قريب مني خااالص لدرجه كل ملامحو وتقاطيع وشو باينه عيونو البنيه وشعرو الاسود ولحيتو مع تفاحه ادم وطااابع الحسن يااااخ ده ملاك هااارب من الجنه وطبعآ واقف جنبي بي عضلاتو انا جنبو حاجه صغيره ياااخ شرب المويه اتغدينا وطلع يرتاح قالت ليهو سهي وامجد جاااين المغرب عشان يشربو معانا الشاي قال لي شايفكم بقيتو صحبات قلت ليهو اي قال سهي دي م شاء الله مره بي ميه راجل وامجد زول حاره انا قبل م انزل السودان سهي كانت كل يوم بتعزمني كل جمعه اكل بلدي وكده وبليل فلك بترسل لي حلويااات ياااخ انا دي مسكه نفسي يالله قال لي م شاء الله عزوني عزه جد طله نام وانا فتحته تلفوني وشوفت رسايل الفيس و الواتس المغرب جااا جونا امجد وسهي طبعآ اول مره اشوف امجد زول جنتل مان زي يااامن وظريف زي مرتو يااامن جاء نازل انا دخلته المطبخ وسهي لحقتني قالت لي اهو طلعتي مزه م شاء الله عملنا شاي اللبن والقهوه والمكسرات جينا الصاله وقعدنا طبعآ مع الضحك و الونسه فكيت ليك ع الاخر وحكيت ليهم بي دراماتي حقت الجامعه وكيف مره عملنا مقلب في الدكتور ياااخ الجماعه ديل ضحكو لمه دمعو يااامن قال لي البشوف وشك الصاري ده م بقول انتي ظريفه كده امجد قال ليهو حظك ياااخ لقيت ليك مره جميله وظريفه هنا ضحكت يااامن اختفت سهي حاولت تلم الموضوع قالت لي امجد الزمن اتاخر خلينا نمشي طلعو يااامن قدمهم لي الباب رفعته الحاجات وغسلته العده جاء يامن ساعدني ورفع معاي الحاجات الملعقه وقعت عايزه ارفعه يااامن دنقر برضو عايز يرفعه واطاقشنا عيني في عينو وانافسو وكان مقىرب علي شديد م قدرت استحمل وجري ع غرفتي
    متابعه يا بسلو طلبات صداقه طلباتي مغلقه
    و أجمل ما في الحب ارتباك البدايات🖤✨




    الفصل السادس

    ‏و أنت الذي جئت مختلفاً ، لا صديقاً ولا حبيباً ولكنك حياة.
    لملمته اطرافي وجري ع غرفتي ونومه واحده نومته مرتاحه شويه من الايام الفاتت لان يااامن بدا يتقبلني صحيت الصباح اخدته شور ولبسته لي بجااامه طويله مرسوم فيه ميكي عملته شعري كعكتين وطلعت لقيت يااامن لابس برموده رماديه وفلينه كحليه وكان بعمل في القهوه جيت طلعت في مصطبه المطبخ عاين لي قال لي ارح انزلي نشرب الشاااي ابيت قلت ليهو يااامن خلينا نشرب الشاي هنا وعايزه ازرع الحديقه الخلفيه دي قال لي تمام م عندي مشكله شربنا الشاااي طلعت تلفوني واخدنا كم سيلفي اتعوارت زين وطبعآ هو م بضحك بي سرعه صااارم ياااخ كنت عايزه اعمل كيك طلعته الحاجات بفتش في الدقيق يااامن جابو لي قال لي اهو قدااامك بااالك وين اخ لو تعرف بالي كل معاااك وتفكيري كلو فيك اثناء م انا سرحااانه عمل الدقيق في خدي انتبهت لي الدقيق شلتو كشحتو فيهو حمر لي وقومته جاااريه وهو جاااري وراااي جريت لحد باب الحديقه جاء لاحقاااني رشيتو بي خرطوش المويه حركات الهنود ديل😂😂 قبضني من بجاامتي وفك لي شعري ومسكني عوج لي يدي وضمني عليهو ارتميت في حضنو وبقيت اسمع نبضااات قلبو يمكن دي اجمل سته ثواني م كنت عايزاها تخلص ابدآ سته ثواني بالضبط زي علاقه حبي بيهو كب فيني جردل المويه حتي انا وعيت بجد مشيت عالم تاااني كاااني طلعت السماء فوق وفي زول جاء لازاني الله وهو المويه بتنقط من لحيتو وحواجبو ورموشو واشعه الشمس عاكسه في عيونو البنيه يااارب الهمني الثبات وانا بجااامتي كلها اتبلت بي المويه بقت متلصقه مع جسمي وشعري مفرود كل تفاصيل جسمي باينه يااامن فكاااني ودخل جوه لميت حاجات المطبخ وهو طلع مشي الشغل عملت الغداء ومشيت لي سهي اتونسنا جيت قبل موعد يااامن بخرته البيت وجهزته الغداء يااامن جاء ومن خشم الباب بعطس يا حليلو اخد برد من المويه جاااتو نزله دخل ارتاح قريب لي المغرب صحيتو لي الغداء اكل شويه عملت ليهو اعشاب مفيده لي النزله ومديته ليهو وهو يشيل ويعطس فتحت الشاشه قاااعد احضر شال البطانيه وقعد جنبي قال لي ده كلو منك شليقه ضحكت فيهو خته راسو في رجليني ياااخ انا دي اتجمدته قال لي ح تتبالي بي مش انتي سبب مرضي ونااام ختيت يدي في شعرو وقلت ليهو انت اجمل ابتلاء ممكن ربنا يرزقني بيهو ربنا انت ذاااد روحي💕💜💜 يا روحي واتفحصت ملامح وشو حياه من نوع اخر ياااامن معشوقي


    الفصل السابع 

    اختارو الناس البتشبهكم في الروح مافي الشكل لانو المشوار طويل
    ما مهم تلقي الزول البتتفق معاهو ، المهم تلقي الزول البتختلف معاهو ! بدون ما تخسرو بعض 💕
    "
    علاقتنا ح تستمر
    لما نختار ناس تخاف علينا ، ناس تفهمنا ، ناس تحبنا ، ناس تهتم بينا 
    ناس تقول لينا احنا مبسوطين لأنكم في حياتنا ، ناس عيونهم مليانه بينا ، وناس عيونا مليانه بيهم

    نمت جنب يااامن لحد اذن الصبح همست لي يااامن قولت ليهو الاذان اذن قوم صلي يااامن قااام صلي ورجعته نومته في غرفتي الساعه 8قمته عملت الشاااي ويامن جاء ناااذل صبح علي قال لي الاعشاب الامس كانت مفيده جدآ ياااخ اخدت لي الرشح وانا سرحانه مع بدلتو الرماديه وحركااات ايدو وطريقه حواجبو طقطق لي كالعااده حتي وعيت قال لي سرحااانه وين وهو م عااارف سرحااانه معاهو قلت ليهو بس يعني م متزكر حاجه تانيه قال لي لا في شنو قلت ليهو ولا حاجه اجي يعني نسي يوم امس م علينا شربنا الشاااي وطلع ع الشغل جاااتني سهي اتونسنا تمام اثناء م بندردش تلفوني اتصل ذاااد الروح💕💜تلفوني كااان جنب سهي مدتو لي قالت لي ذاد الروح ده منو الليله لو م طلع يااامن بقتلك هههه قلت ليها استكيني ده يااامن ذاتو رديتو عليهو هلا قال لي رنوش الليله اصحابي جاااين معي البيت يسلمو عليك انا هنا مصدومه قال لي رنوش رنوش يا جماااعه طبعآ فتحته خشمي لي الضرس الاخير وسهي متابعه معي وتضرب فيني قالت لي قال ليك شنو يا بت قال لي قولي لي سهي تخلي الشمااار اه وع فكره فلك جااايه اليوم معي الضيوف قلت ليهو تمام وقفلت الخط وابتسمتي اتلاشت فلك فلك الله يلعن فلك وياخد سنين بقيت ابرطم براااي حكيت لي سهي قالت لي ده كلو هين قومي ارح نجهز الحاجات عملنا شاااي لبن بي قرفه ولقيمااات وقهوه مع كعك ومكسرااات وعصائر سهي م قصرت معي اخترت البس توب بس هي رفضت قالت لي البسي ليك فستااان كده بسيط لبست فستااان جزري وطقمتو مع الطرحه شويه كده يااامن وصل مع اصحابو ضيفناهم مع سهي شويه كده الباب ضرب وقلبي ضرب معاهو كنت متاكده دي وش النحس فلك يااامن قام فتح الباب جات ماسكه يااامن من معصمو اجي يا اخواني انا مرتو م عملته كده لابسه ليها بنطلون جينز وتيشيرت بمبي وفاكه شعره بت الايه كانت حلوه انا لو كنت ولد كان اتكرشته فيها قعدته مع الضيوف وهي لصقت جنب يااامن قعدنا اتونسنا مع الضيوف كااانو ظراااف جدآ فلك تشيل وتتظارف وطبعآ كلها مصطنعه حتي كلام قالت تتزكر يا يااامن لمه كن في كندا وعرضته المجموعه بتاعتي واتعشينا هناك يا سلام كانت ليله من الف ليله قعدنا كلنا نبلحق فيها يااامن قال ليها ايوه صح انا كنت في مهمه عمل واتلاقينا صدفه هناك حتي انا راسي برد سهي قالت ليها ده كااان زمان بس الان يااامن بقي راجل متزوج احي ياااخ سهي دي عسل وربي ادته ليك في الصميم لمن ملامح وشها اتغيرت وكانت بتحمر لي من فوق لي تحت اصحاب يااامن طلعو وقالو ح يزورنا تاااني وفلك طلعت معاهم قدمنا سهي لي بيته قلت لي ياااامن انا م عايزه ارجع البيت ارح خلينا نلف قال لي نلف وينا يا بت الساعه11حلفتو حتي طلعنا قلت ليهو بدون سياره مشينا بي ارجلنا والهوا كااان منعش والجو هادئي والشوارع فاضيه قال ماشين ويدي بتضرب في يدو من غير قصد كم مره قال لي احكي لي اي حاجه عنك بديت ليهو من عمري سنه لحد الان قلت ليهو وختام حياتي اتزوجتك وح اطلق منك بعد تلاته شهور يااامن هنا ملامحو اتغيرت حتي صوتو اتغير انا قلت يمكن عشان اتعود علي م اكتر قال لي طيب م حبيتي سكته مسافه حتي رديت قلت ليهو ايوه حبيت حبيت واحد سته سنه كان كل شي بالنسبه لي ورفضته ادخل في اي علاقه عشانو وفي كل يوم بقوم الساعه 2 بدعي ربنآ عشان يكون من نصيبي وفي كل سنه لمه يجي عيد ميلادو برسل ليهو رساله طويله عريضه وبعايد عليهو كل عيد قلت ليهو وانت قال لي م عندي شي احكي وخلينا نرجع البيت رجعنا البيت ومن اليوم داااك يااامن متغير مني شديد اسبوعين م بتكلم معي غير السلام عليكم وبتااخر شديد في الشغل لحد ما في يوم اتصلت ليهو يااامن الحقني وتلفوني قفل وانا بطنني بتتشقق من الالم بعد ربع ساااعه بس جاء قال لي مالك لاقني نايمه في الارض وبتلوااا بسال فيني وانا ببكي بس قال لي ارح الدكتور انا م بستحمل اشوفك كده يااخ وانا ببكي وهو بمسح لي راسي بي منديلو قلت ليهو مرضي م محتاج دكتور قلت ليهو جيب لي ورقه وقلم قااام بسرعه جاب الورقه والقلم كتبت ليهو حاجات قلت ليهو اديهي لي الصيدلي و اوعاك تفتح الورقه م عافيه ليك جري الصيدليه جاب لي الحاجات وجي اخدته منو بلعته المسكن واخدته الفوط ارتحت شويه قلت ليهو اغلي لي حرجل عمل لي الخرجل وجااابو لي وهو يشيل ويتكشم قال لي فيها شنو لو قلت لي جيب لي فوط صحيه م عيب ع فكره انا هنا اتمنيت الارض تتشق وتبلعني



    الفصل الثامن 

    ‏يوما ما ستصل إلى عدم الاقتناع بأي شخص بسهولة
    ‏ولن تستطيع المجاملة لكسب ود شخص
    ‏ستجرح الكثيرين بصدقك
    ‏وصبرك سينفد سريعاً
    ‏ولن تبالي بما سيتحدث به الآخرون عنك
    ‏سترفض الكثير وتشعر بأن عقلك لا يتقبل أحدا
    ‏ليس كبرياءً بل اكتفى القلب بالكثير من التجارب
    ‏ولم تعد تبالي الا بنفسك !💚🌸

    عدته تلاته اياااام والمغص انتهي في التلاته ايااام دي كنت م بحب اشوف ياااامن ومزاجي كاااان متقلب شديد قمت الصباح اغتسلت وغسلت شعري طااالع من الحمام لقيت زول في غرفتي م شوفتو نسبتآ لان كنت خاطه المنشفه في راسي اتلفت عايزه اشوف ده من لقيتو ده يااامن شعري كلو جاء ناذل في وشو ومبلول بل ليهو وشو اخد مني المنشفه براحه نشف لي شعري قال لي تعالي الفطور تحت قلت ليهو طيب انت امشي وانا بلحقك بخرته شعري زين و اول مره اخليهو مفكوك م مسرح لبسته لي فستااان بيتي كده بسيط لونو زيتي اتجيهت تمام حتي نزلت قعدته افطر مع يااامن كان شكل الفطور حلو شديد ومغذي فطرنا دخلته المطبخ اعمل القهوه رسل لي رساله في الواتس اول مره اعرف انك جميله يا رنوش اجي يا اخواااني ياامن مالو عملت نفسي م شفته الرساله وديت القهوه الصاله عندنا اريكه بنقعد فيها انا قعدته تحت الاريكه ويامن كااان قاااعد فوق شربنا القهوه وكان بمسح ع شعري قال لي ريحت شعرك حلوه ياااخ وانتي ذاااتك حلوه الله انا عايزه اطير من الفرح قعدته اتكشم براااي ذي المجنونه معقوله ده يااامن اتغير كده قال لي ارح نعلب بلاستيشن والغالب ليهو هديه قلت ليهو بس انت م بعرف العب قال لي ح اعلمك جاااب الايااادي مسك يد انا زي الكبو فيني مويه بارده اتصمغت في مكاااني وبعاااين ليهو وهو ماااسك يدي وبحرك يد البلاستيشن فجاه عيونو جااات في عيني وقعد يعااااين لي قرابته التلاته دقايق نحن سااارحين مع بعض وكننا في عااالم تاااني فجاه فكيت يدي منو لاني اتزكرت يااامن م لي كلها باااقي شهرين ونطلق من بعض ف شنو احسن م اتعشم سااااي بي حاجه م لي 😔😔😔 يااامن طلع مشي الشغل جاااتني سهي قالت لي ارح يااابت قلت ليها نمشي وين يا سهي قالت لي انتي بس ارح طلعنا مشينا بيته ولقيته راصه كميه من الحاجات حلاوه جسم وكركم وحطب قعدته احكي ليها عن الامور البتحصل بيني وبين ياااامن الايااام دي قالت لي معناها بدا يميل ليك شالت لي جسمي كتر خيره ونضفت لي وشي وقعدته في الدخااان لي كم يوم محبوسه م قاعده اخلي يااامن يشوفني ابدآ بكون في غرفتي وانا متاكده بكون اشتاااق لي جاااء يااامن المساء دخل لي في غرفتي مثلته نايمه قال لي رانيا عارفك صاااحيه المهم جهزي حاجاتك ح ننزل السودان بعد بكره عشان عرس اختك قمته مخلوعه كيف يعني عرس اختي ولي م كلموني بدري واقفه في نص السرير وبجوط زي الطفله يااامن شالني من السرير وانا كالعاده اتجمدته خط اصبعو في خشمي قال هششش ولا كلمه يا رانيا ارحميني وطلع قفل الباب اجي يا اخواني ده مالو وانا عملت شنو عاينته في المرايه بجد شكلي كااان حلو شديد وبعد الماسكات والدخان ونضاافه وشي بقيت عسل يااااخ نزلت تحت لقيت يااامن ماااف جهزت الشنطه موعد طيرتنا كان بعد بكره في صباااح اليوم التااالي قمته متاخره وكالعاده لقيت ياااامن ماااف الساعه كانت عامله عشره مسآ والكهرباء قاااطعه بفتش في شموع والباب فتح خفته شديد خاصه ان يااامن ماااف كنت بضوي بي تلفوني ده منو ده منو مسكني قفل لي خشمي وماسك شمعه في يدو عايزه اصرخ لقيتو ده يااامن عيونو ملانه حنان م قدرته اقااااوم نظراتو لي وفضل ماسكني كده قرابت النص ساااعه حضنتو علي واتعلقت فيهو زي الطفله الصغيره لاني خااايفه افقدو افقد حب سته سنه ح يضيع في سته شهور طردته الافكااار دي من راااسي يااامن اخدني ع غرفتو قلت ليهو لا انا عايزه امشي غرفتي اب لي قال لي دي غرفتك من الان وطااالع يا رنوش انتي م فاهمه انتي بقيتي الهواء الان بتنفسو حراكتك الطفوليه شغبك طريقه مشيتك وكلامك غمااازتك لمه تضحكي ياااخ انا بقيت م بقدر اقعد في الشغل بحب كل وقتي يكون معاااك ويوم سااالتك احكي لي اي حاجه عن حياتك وحكيتي لي عن الولد البتحبيهو وكيف كل سنه بترسلي ليهو معايده زعلت جدآ حتي لو بتتزكري لي اسبوعين م كنت بتكلم معاكي صح بس بعديها اتزكرت ان انا كانت بتجيني رساله مجهوله كل سنه انت نعمه واعوذاب بالله من زولك قلت ليهو يااامن انت زاد روحي لو كااان لي في الدنيا زاد 💜💜💕
    متابعه يا بنوت قربنا نخلص


    الفصل التاسع
    الحلقه قبل الاخيره بقلم ام كلثوم ابراهيم
    وَ السلام على گل شيء جاءَ في تمام وقته، السلام على لقاء جاءَ لينقذنا من وحدتنا، السلام على فراق جاءَ ليعطينا درساً
    في الصبر 💕
    الليله القضيته مع ذاد روحي كااانت عمر اتشكل في شكل ليله واحده سته سنه وانا بطلب من ربنا يجعل يااامن من نصيبي وربنا م خيب ظني ادعووو يا جماعه ادعو كتير الم يقل ادعوني استجيب لكم بالظبط اصبح الصباح وانا م قااادره اتخيل شكلي انا خلاص بقيت زوجت يااامن بحق وحقيقه معقول دخلته ادوشته ويااامن لسه نااايم قعدته جنبو في السرير بتامل ملامحو جراني عليهو وقال لي ممكن تخليني معاااك طول العمر وتبقي لي ذاااد في الدنيا الغداره دي قلت ليهو انا ليك وبيك ومنك وفيك يااامن فتح عيونو بي ابتسامه وانا جريت المطبخ عملت الشاااي يااامن جاء ناذل اخد ليهو دوش بتكلم معاااي وانا الخجل قاااتلني م قادره اعاااين ليهو في وشو قرب علي ورفع لي وشي قال لي مالك وانا منزله عيوني م بقدر اخت عيني في عيون بسبب ليله امس خجلانه ياااخ قال لي رنوش دي حاجه عاديه وبتحصل بين اي زوجين خاصه اذا كانو بحبو بعض معقوله يااامن انت قفل لي خشمي قال لي ايوه بحبك يا رانيا بحبك من يوم رشيتي فيني الدقيق والمويه بحبك لمه تضحكي واشوف غمااااذاتك بحبك لمه تعملي شعرك كعكتين زي الطفله بحبك لمه تشربي الشاااي وتمسكي الكبايه بي يدك الاتنين زي الحاجه العزيزه عليك بحبك لمه تفكي شعرك بتبقي امراء شرقيه بملامح افريقيه وشعر كستنااااي بحبك لمه اشوف ملامحك المريحه لي النظر وانا بتاااامل فيك بحبك يااااخ حضنتو علي قوي شديد وبقيت ابكي لاني م عايزه حاجه من الدنيا غيرو ياااخ قعدنا مسافه بنضحك في بعض وكيف انا كنت بحبو الفتره دي كلها وهو عايش حياتو 💜💕😇 قال لي انتي من اليوم حقتي انا براااي الحته الخاصه بي اللي ح الجاء ليها في كل يوم متعب انا مرتي انا 💜💜💜💙 ياخ عن كميه الحنان والدفئ في كلامو عالم اخر وعاطفه حد الثماله طلع سلسل فضه من جيبو لبسني ليهو كااان ع شكل فراااشه قال لي اوعاااك تطلعي السلسل ده لانو ده عهدي بيك باااسني في خدي وطلع ع الشغل اتصلت لي سهي وانا طايره من الفرحه حكيت ليها اي حااااجه وانا بضحك وببكي في نفس الوقت ومبسوطه شديد وهي مبسوطه معااااي دخلته جهزته الشنط عشان بكره ح ننزل السودان عشان عرس اختي دخلته جهزت شنطته يااامن وشنطتي الحمدلله ح اعيش مبسوطه واخيرآ جاء يااامن المساء وحجز لينا سااافرنا الصباح السودان وانا ماسكه يدو زي الشافعه وهو مبسوط قال لي عندي ليك سبرايز قلت ليهو شنو قال لي لمن نصل وصلنا البيت ومع جوطه العرس ولمته الاهل والاصحاب والفرحه تاني م شفته ياااامن واشتقت ليهو كتير م شويه عدته تلاته ايااام وانا م شفته ياااامن بي عيني الا يوم العرس مشيت اتنحنته ولبسته لي تووووب اوف وايت وسرحته شعري وعملت فل ميكاااب يااامن كان واقف جنب الصاله مع ابوي واصحااابو قربت عليهو عاين لي و واصل كلامو مع ابوي ضربتو ع كتفو قال لي يا مدام لو سمحتي م تهبشيني انا راجل متزوج ومرتي بتغير علي 😂😂😂👏 قلت ليهو يااامن دي انا رانيا فتح خشمو مترين مندهش صفعتو ع خدو حتي وعه مسكني من يدي وجراااني جوه العربيه وهو لسه مدهوش قال لي رانيا ياااخ معقوله وقعد يتبسم ويتكشم طلع لي ظرف فتحتو لقيت فيهو تزكرتين لي باااريس قال لي دي تزاكر شهر عسلنا ياااخ نطيت فيهو وضربتو انبستطه جدآ قال لي احترمي نفسك قبل م اخرب ليك مكياجك ده نزلته براحه كلو ولا مكياجي يا ذاااد روحي فتحته تلفوني جاااتني رساله من رقم غريب ملانه ريكورداتت م فتحته قلت لمه ارجع البيت الزفه خلصت وهاااك يا الرقيص انا ويااامن واهلي نعمه ياااخ عملنا الجرتق يامن جا علي قال م نفسك في جرتق قلت ليهو لا نفسي في عمره معاااك لي بيت ربنا قال لي خلاص خلينا نحجز من هسي نعمل عمره وبعديها نمشي باااريس وع كده العرس انتهي قمت الصباح م لقيت يااامن فتحته تلفوني وسمعته الرسائل والريكوردااات حق امس نزلت من السرير وجيت طلعته بره وانا الدنيا دي لافه بي ودموعي عشره عشره م كنت شايفه زول غير يااامن مع انو الرجال كانو كتتتار في الصالون ومن ضمنهم ابوي جيت الصالون بدون توب وكوركت ياااامن يااامن لمه اتهجم وبطول حسي قلت ليهو طلقني انا حرمت عليك يا ذاد روحي طلقني



    الفصل العاشر والاخير 

    ‏ظننتُك ملجئي وحدي لكنّك كنت كريماً جداً وأصبحت ملجأ العالمين فلا أنا أحب الزحام ولا أنت تُحب الأنفراد فلما البقاء؟.

    ابوي يا بتي انتي بتقولي في شنو استهدي بالله الواحد الاحد عمي ابراهيم يا بتي ده كلام شنو اعمامي يل بتي انبذي الشيطان وصلي ع النبي يااامن كان محتار ومخلوع الحاصل شنو امي جااات جاريه لاحقاااني بي التوب رميت التوب وقلت لي يااامن طلقني ياااخ انت م بتفهم طلقني قال رانيا في شنو مالك الحاصل شنو وطلاق شنو الانتي بتتكلمي عنو بكيت بي اعلا حسي لحد الجيران كلهم جو والبيت اتملا قلت ليهو طلقني بس يا ود الناس طلقني يااااخ قرب مني قلت ليهو اوعاااك تقرب مني واحد مقرف ذيك م بلمسني طلقني ياااخ انا دي بكيت بي كل قدرتي لحد م صوتي اتخنق يااامن قال لي بكره ورقتك ح تصلك مش ده العازيهو وطلع 

    لم تعُد تحدث معى أمور جيدة ، حتى لو حصلت لم أعد أستطيع الإحساس بها، لم تعد لدى القدرة على الإنبهار مثل السابق !

    عدته تلاته اسابيع وانا حابسه نفسي في غرفتي م بطلع ابدآ ولا باكل ولا بنوم شعري منكوش الحمام الا امي بتحميني صحتي اتدهورت شديد فقدته وزن شديد جاء عمي ومرتو قالو يمكن انا مصابه بي عين يودوني لي شيخ قفلت الباب في وشهم لان بحس فيهم ريحه يااامن الناس دي كلها متحسره ع الحاله الانا وصلت ليها وهم م عارفين ان يااامن عندو علاقه مع فلك وكان بقضي بي وقت م اكتر ايوه فلك رسلت لي التسجيل وهي بتتكلم مع يااامن قال ليها دي وحده ح اقضي بيها زمن ومنها ارضي امي بس مستحيل اعاااين لي وحده زيها فقيره وجربوعه زي دي ع الاقل عملت فيها حسنه جبته هنا انا كل يوم الكلام ده بتكرر في راسي زي الشريط وانا خلاص قررت انتحر وارتاح بس انا انسانه مومنه ياااخ ،،،،

    من ألطافه الخفيّة سُبحانه يُقيض لك حتى الآيات ؛ تقع عليها صدفة فتُلامس شيئًا يجبر خاطرك المكسور .

    عده شهر كامل وامي وابوي يبكو معاااي ابوي جاااني المساء دخل علي ولاقااني قاعده وبعاين لي الشباك وبضحك ودموعي ناذله قلت ليهو بابا شوف العصفوره دي كااانت هناك في بيتي في قطر كااانت في ذاد روحي يااابه مسكته ابوي وبكيت حيل بكل قواااي وفرغت كل الطاقه الكانت جواااي لحد م اغم علي وجرو بي المستشفي فتحت عيوني لقيت الدكتوره بتعاين لي ومبتسمه قالت لي معقوله كده وحده حااامل وم بتغذي طفله عايزاهو يموت ولا شنو انا هنا خلاص الدنيا دااارت بي انا حاااامل كيف الكلام ده قالت لي انتي مش متزوجه ف طبيعي يحصل حمل قلت ليها ممكن من ليله واحده يحصل حمل قااالت لي وارد جدآ طلبت من الدكتورخ بعد تعب وتحنيس ان م تكلم اهلي قالت ليهم جاهااا هبوط حاااد لازم تاكل وكتبت لي فيتامين وطلعنا ع البيت وانا بتشهود كيف الكلام ده كيف اكون حامل من اول ليله دخلته جوه ونهائي م كلمته اهلي ولا فكرت انزل الجنين بالعكس ح اربيهو ده قطعه من ذاد روحي ده رويحه يااامن بكيت زين قمته اتوضيت وصليت ركعتين وجبته المصحف قريت سوره البقره بقيت يوميآ مواظبه ع سوره البقره والقراء. من الصلايه م بقوم اتقربته من ربنا شديد في الفتره دي وكل م امسك المصحف بتزكر ياااامن ذادي عد شهر واتنين وتلاته شهور صارحته اهلي بي حملي لان بطني بداته تكبر اختي جااات وسمعت بي الحصل قالت لي معقوله يا رانيا يااامن م بعمل كده احتمال تكوني ظلمتي ويااامن م برر لي اي زول لان هو ذاتو م عارف الحكايه شنو م رديت ليها كنا بنحضر في برنامج في ناشلون بتاع مخترعين وكيف يمكن تقدر تحول الاصوات وتلقده اختي اتلفت علي قالت لي سااامعه قومي البسي عبايتك ارح اتصلت ع واحد بتعرفو قابلنا في المول وحكت ليهو كل شي قال لي الحكايه دي بقت وارده كتيره قال لي انا ممكن عااادي اقدر استخدم صوتك واعمل ليهو منتاج ودبلجه انا ياخ الدنيا دي لفت بي معقوله اكون ظلمت يااامن ياااربي معقول الكلام ده ،،،،ياربي نور بصيرتي

    مررت بكل مرحله تعيسه يمكن ان يمر بها الانسان ولكنني اخشى على قلبي ان يمر 
    بمرحلة موت المشاعر وان يصاب بـ سم 
    الاعتياد على التعاسه والوحده"!

    مرت سته شهور والجنين كبر وبرضو م عارفه حاجه عن يااامن غير اني كنت قريبه من ربي والايام بتمر علي زي السنه العصر كده والدنيا صيف الحمل ضااايقني طلعت لي عنقريب ولابست لي جلابب هزاز بااارد ونمته تحت الشجره نايمه بعد فتره شااامه ريحه عطر قوي جدآ العطر ده م بنساهو ده عطر يااامن ابيت افتح عيني حسيت نفسي بتخيل جاء زول وقعد جنبي فك لي البانده من شعري قال لي ذاد روحي انا بعرف بحه الصوت دي كويس ده صوت يااامن والدموع نزلت مني سخنه شديد دموع مخلوطه بي الم و وجع وانكسار سته شهور ابيت افتح عيني قلت احتمال انا بحلم حلم جميل مشي يدو ع بطني فتحت عيني لقيتو ده يااامن ودموعي جااات ناذله م اتكلم معاااي وماسكني من بطني جااات سهي قالت الحامل كيفك فرحته بجد بعد شفته سهي قالت لي تخلي بيتك وزوجك عشان لعبه حقيره وقذره من وحده تافهه زي فلك حكت لي كيف قدرت تعمل مونتاج لي صوت ياااامن وكيف يااامن عرف الحكايه بعد اختي حكت ليهو ومشي قاضه فلك وفلك الان في المستشفي عندهااا حاله انهيار عصبي حاااده وطلعت قاعده نص ساعه منتظره ياااامن يتكلم ابه يفتح خشمو قال لي رايك شنو في عمره هزيت ليهو راسي سافرنا تاااني يوم مكه عملنا عمره بعد خلصنا قعدنا جنب بيت الله ويااامن قعد يبكي قال ليهو اهي يا الله جبته ليك لحد بيتك الشريفه اهي يا ربنا المن يوم افترقنا انا بقيت قريب شديد منك وكل يوم بطلب من تنور بصيرته م هي برضو مخلوقه من ضلعي اهي يا الله ذاد روحي قلت ليهو يااامن كفااايه ياااخ م قادره استحمل اسكت ياااخ مسكنا بعض وبقينا نبكي لحد م حسينا اروحنا اغتسلت من كل حزن والم 

    ‏هناك جملة تقول:
    "If you don't belong, don't be long"
    تعني إذا لم تشعر بقيمتك في المكان الذي أنت فيه أو عند الشخص الذي تحبه، لا تكمل وانت تملك خيار الرحيل. لا تستنزف وقتك ومشاعرك ونفسك بالمجان. لأنها ستتحول في المدى البعيد إلى ذكريات مؤلمة تحاصر أيامك وتساهم في تغير مجرى حياتك.

    عدت الايااام وجبت ولد زي العسل سميناهو كرم كااان قطعه من ابوهو ده غير انو شايل غمااازاتي💜💕💕 استقرينا في قطر بعد الولاده مباشر سافرنا باااريس قضينا فيها اجمل اسبوعين بلعب في ولدي جااا يامن قال لي ارح قلت ليهو وين قال لي نجيب اخت لي كرم فكيت ليهو الولد وجريت منو في الحديقه وهو ماسك ولدو وساااكني انا جاااريه والهو مطير شعري جااااريه وحاسه بي كل نقطه هواء بتنعش نفسي وكيف م احيا واعيش وانا مع ذاد روحي ياااامن💜💜💜💕💞
    ثم من بعد صبرك اليعقوبي ستنال أمانيك اليوسفية..``°°.
    انتهت الروايه فتكم عااافيه وانتظروني في راويتي الجااايه عاااافيتي💜

    تقييم رواية زاد الروح

    انني اقيم الرواية ب تسع درجات من العشرة

    وفي انتظار تقييمك لها عزيزي القاريء في تعليق


    إرسال تعليق